Cofnodion cryno - Y Pwyllgor Deisebau

Lleoliad:

Ystafell Bwyllgora 1 - Y Senedd

Dyddiad: Dydd Llun, 15 Ionawr 2024

Amser: 14.00 - 14.20
Gellir gwylio’r cyfarfod ar Senedd TV yn:
http://senedd.tv/cy/13676

Hybrid

------

Yn bresennol

Categori	Enwau
Aelodau o’r Senedd:	Jack Sargeant AS (Cadeirydd) Rhys ab Owen AS Joel James AS Peredur Owen Griffiths AS
Tystion:
Staff y Pwyllgor:	Gareth Price (Clerc) Mared Llwyd (Ail Glerc) Kayleigh Imperato (Dirprwy Glerc)

<AI1>

1 Cyflwyniad, ymddiheuriadau, dirprwyon a datgan buddiannau

Croesawodd y Cadeirydd bawb i’r cyfarfod.

Cafwyd ymddiheuriadau gan Buffy Williams AS.

</AI1>

<AI2>

2 Deisebau newydd

</AI2>

<AI3>

2.1 P-06-1367 Dylid ariannu gwaith i symud creigiau chwarel ac adfer tywod a grwynau i Lannau Gogledd Llandudno

Trafododd y Pwyllgor y ddeiseb a chytunodd i ysgrifennu at y Pwyllgor Busnes i wneud cais am ddadl ar y mater.

</AI3>

<AI4>

3 Y wybodaeth ddiweddaraf am ddeisebau blaenorol

</AI4>

<AI5>

3.1 P-06-1217 Agor canolfannau / clinigau meddygol un stop Covid Hir

Trafododd y Pwyllgor y ddeiseb a mynegodd ei siom nad oedd cyfarfod rhwng swyddogion Llywodraeth Cymru a'r deisebydd wedi'i gynnal ac na chafwyd unrhyw gyswllt. Cytunodd yr Aelodau i ysgrifennu at y Gweinidog yn mynegi siom y Pwyllgor ac yn gofyn am gysylltu â'r deisebydd cyn gynted â phosibl.

</AI5>

<AI6>

3.2 P-06-1253 Gwahardd rasio milgwn yng Nghymru

Trafododd y Pwyllgor y ddeiseb ochr yn ochr â deiseb P-06-1354 Dylai Llywodraeth Cymru gefnogi rasio milgwn yng Nghymru a chroesawodd yr ymgynghoriad ar drwyddedu sefydliadau lles, gweithgareddau ac arddangosfeydd anifeiliaid sy'n dod i ben ar 1 Mawrth.

Cytunodd yr Aelodau i gadw golwg ar y deisebau nes bod canlyniad yr ymgynghoriad yn cael ei gyhoeddi.

</AI6>

<AI7>

3.3 P-06-1354 Dylai Llywodraeth Cymru gefnogi rasio milgwn yng Nghymru

Trafododd y Pwyllgor y ddeiseb ochr yn ochr â deiseb P-06-1253 Gwahardd rasio milgwn yng Nghymru a chroesawodd yr ymgynghoriad ar drwyddedu sefydliadau lles, gweithgareddau ac arddangosfeydd anifeiliaid sy'n dod i ben ar 1 Mawrth.

Cytunodd yr Aelodau i gadw golwg ar y deisebau nes bod canlyniad yr ymgynghoriad yn cael ei gyhoeddi.

</AI7>

<AI8>

3.4 P-06-1368 Dylai Llywodraeth Cymru gymryd camau i gadw’r Rheoliadau Gwybodaeth Amgylcheddol mewn perthynas â Chymru

Trafododd y Pwyllgor y ddeiseb a nododd fod amgylchiadau wedi newid ers pasio Deddf Cyfraith yr UE a Ddargedwir (Dirymu a Diwygio) 2023 ac nad oes dyddiad dod i ben bellach ar gyfer Rheoliadau Gwybodaeth Amgylcheddol 2004. Nododd yr Aelodau hefyd fod y Gweinidog Newid Hinsawdd a'r Pwyllgor Deddfwriaeth, Cyfiawnder a'r Cyfansoddiad yn gwerthfawrogi'r gwaith a wnaed gan fyfyrwyr Prifysgol Caerdydd.

Yng ngoleuni hyn, cytunodd yr Aelodau i gau’r ddeiseb a diolch i’r deisebwyr am eu gwaith ar y mater hwn a’u diddordeb.

</AI8>

<AI9>

3.5 P-06-1333 Dylid atal Cyfoeth Naturiol Cymru rhag torri coed, sy’n bygwth parhad gwiwerod coch

Trafododd y Pwyllgor y ddeiseb a nododd mai dyma'r ail ddeiseb sy'n codi pryder am ddull Cyfoeth Naturiol Cymru o dorri coed a diogelu gwiwerod coch.

Cytunodd yr Aelodau i gadw'r ddeiseb ar agor am 12 mis a gofyn am y wybodaeth ddiweddaraf am gynnydd y gwaith ar y cyd rhwng Cyfoeth Naturiol Cymru a phartneriaid sy'n ymwneud â chadwraeth wiwerod coch yng Ngwynedd ac Ynys Môn.

</AI9>

<AI10>

3.6 P-06-1363 Achubwch ein Gwasanaeth Tân ac Achub

Datganodd Jack Sargeant AS y buddiant perthnasol a ganlyn o dan Reol Sefydlog 17.24A:

Mae wedi ysgrifennu at Awdurdod Tân ac Achub Gogledd Cymru ynghylch y mater hwn sy'n effeithio ar ei etholaeth.

Trafododd y Pwyllgor y ddeiseb a nododd y newyddion cadarnhaol nad yw gorsafoedd y Rhyl a Glannau Dyfrdwy wedi cael eu hisraddio yn dilyn yr ymgynghoriad, a disgwylir i’r lefel bresennol o ddarpariaeth barhau. Yng ngoleuni hyn, cytunodd yr Aelodau i gau'r ddeiseb a llongyfarch y deisebydd a phawb a gefnogodd yr ymgyrch.

</AI10>

<AI11>

3.7 P-06-1375 Cynnal etholiad Senedd yn gynnar

Trafododd y Pwyllgor y ddeiseb a chytunodd, er ei fod wedi casglu'r nifer gofynnol o lofnodion i ystyried cyfeirio'r ddeiseb ar gyfer dadl yn y Senedd, nid oes unrhyw fanteision clir i wneud hynny, nac i gymryd unrhyw gamau pellach o ran y ddeiseb. Yng ngoleuni hyn, cytunodd yr Aelodau i gau’r ddeiseb a diolch i’r deisebydd am ymgysylltu â’r Pwyllgor

</AI11>

<AI12>

4 Papurau i'w nodi

Cafodd y papurau eu nodi.

</AI12>

<AI13>

5 Cynnig o dan Reol Sefydlog 17.42(ix) i benderfynu gwahardd y cyhoedd o weddill y cyfarfod

Derbyniwyd y cynnig.

</AI13>

<AI14>

6 Blaenraglen waith

Trafododd y Pwyllgor ei flaenraglen waith.

</AI14>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>